【渣馬雨戰 見港式思維之弊】/Edkin

文友有言,渣馬年年都有新奇事,真係年年都可以競逐最佳新人獎。

今年埋單計數,問題如下:

頭一段彌敦道,慢線放滿一列雪糕筒,如其他文友所言,冇人仆街再人踩人已經萬幸。有冇咁誇?曾經有朋友跑那霸時被路中心雪糕筒絆倒以致牙齒斷裂,還要縫針。可見仆倒真係有可能。

received_10153989148760649

東方日報

另外,又據報,紀嘉文都話救護站連毛氈都冇一條。Yes and No啦,我係南灣隧道見到有三位棄賽既跑手有毛氈既。不過紀嘉文話得冇,佢呃你做乜。今次係堂堂紀嘉文,估計應該會比較少人批評; 記得兩年前有跑手分享類似的經歷(自己一個毛氈都無條自己行返去),就被一個跑半馬的「非精英」跑友留言話:「你呢啲人梗係練唔夠先扮整親,仲霸住其他想參加既朋友既名額吖!」

香港跑者好多係咁,講到自己乜咁巴閉,於是乎可以將「無同理心」合理化。都係嗰句,如果唔係精英就唔應該參加,唔係精英就唔使照顧,咁搞渣馬做乜?十公里最快都唔過三十分鐘,全馬又冇本地人跑到兩個半鐘,有乜值得牙擦擦?只要唔係冠亞季,跑sub 3定sub 5其實對個賽事都冇分別,有啲同理心好唔好?

Screenshot_2016-01-20-08-11-22-1Screenshot_2016-01-20-08-11-43-1

講到同理心,打水戰就盡顯呢方面既問題。有啲事情只係好基本:跑完濕曬可以唔洗凍親,可以有個乾爽既地方換衫,義工既朋友可以係一個合理舒適的環境下工作。

FB_IMG_1453249408507-1

received_10153989149000649

東方日報

完賽之後橫豎都送一條面巾,改為送一條大毛巾很困難嗎?曾澳門馬拉松都有完賽毛巾,就更顯得渣馬原地踏步。行李方面,有好多人話,渣馬歷年以來都係露天放袋,跑者點解唔自己好好準備? 咁我想問係咪每一個人跑渣馬都一定要有經驗呢?難不成初次作賽或者外地跑手就要他們「先上一課」?況且,比起我自己既行李,我更加肉赤係現場做義工既童軍。佢地一樣係做到全身濕曬,最後一樣係冇地方可以換衫。當日好多行李牌都已經浸爛左,情況更加係狼狽之中既狼狽。而其他傳媒單位亦不好受,地下成寸水再塞係一個帳篷做訪問兼出稿,簡直好似戰地一樣。

20160117-24marathon2016

2016-01-20 07.57.10

2016-01-20 07.55.06

主場新聞博客群留言

我唔明白既係,搭多幾個帳篷用嚟換衫有乜嘢咁困難? 點解會認為跑手可以返屋企先換衫? 點解可以當咗附近嘅麥當勞同其他地方作為補給支援?麥記都冇贊助,咁跑手去麥仔借地方又買嘢食重使唔使upload番張相上Instagram再打句「#多謝麥當勞」?而以上種種問題,將終點改去會展已經可以解決。首先會展上落貨方面不成問題( 你唔係以為書展啲貨係靠扶手電梯送嘛?), 幾個展覽場館都可以提供足夠的室內空間。無論用唔同展場分開男女跑者,或者內部加建分隔區,就不論更衣室或者觀眾等候都能夠輕鬆安排。有渣馬既義工指出, 如果用會展會令到十公里既人潮同全馬半馬相撞、、、呢個問題我地講左好多年: 既然每年十公里參加人數超過總人數的一半,路線和性質都與全馬及半馬毫不相干, 十公里賽根本就應該重新正名,而且要安排係不同日子舉行。

要樣樣都做又樣樣都做不好,還是要專心做一樣野做到最好,呢個選擇不是很明顯嗎?

Screenshot_2016-01-20-08-32-10-1.png

渣馬最弊係乜?搞手自己冇視野,細節大意又粗疏,但係仍然有一大堆人又自動出黎護短。大家點解唔諗下,香港要精益求精做到世界最好,還係要敷衍塞責得過且過?雨天應對,提升環境質素,要早兩日睇天氣報告先知要準備?

未見過唔等於冇,未有人做唔等如做唔到。點解大家可以覺得,有人比自己差就可以繼續不思長進?

香港人,忍耐同包容,唔係係追求卓越的時候講既。大家有啲志氣好唔好?

封面插圖:香港01 一年一度-跑上渣馬熱血之路

作者Facebook專頁:https://www.facebook.com/edkinphoto

廣告

3 comments

  1. Mode · 一月 20, 2016

    其實2007定2008終點都仲係會展,那時因金紫荊太逼,賽會先將終點改去維園,現在你說改去會展,未必可以解決問題。

    按讚數

  2. Vivi · 一月 20, 2016

    Hihi, 想問一下澳門銀河馬拉松條大毛巾相你係邊度攞到ga 😊

    按讚數

  3. eh · 一月 20, 2016

    yahoo出名多五毛藍屍係咁
    講D野都特別廢

    按讚數

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s