【港女乜乜乜 – 港女邊有咁Easy】/Edkin

星期日朝早,臉書上既一衆港女朋友,不約而同咁怨聲載道:「 真係比呢班女人映衰曬。」 原來又係香港電台電視部既節目《我係乜乜乜》 做既好事 ,搞到幾個港女對富二代劉鳴煒濕到成地一滴滴、、、口水既醜態傳遍臉書,令人嘆為觀止。

 

如果你仍然未知道係咩事,有片你自己睇,我唔再講嘞,反正醜惡過極醜惡,而我真心佩服港台竟然同時揾到幾個極品上鏡,呢次真係你至叻。

其實個過程我堅唔明,而家係揾男神定係搵老公? 如果未見樣之前覺得遊學修咁charm,到最後見到原來冇揀劉鳴煒,大不了心中叫shit,怪自己決定太過「膚淺」,都不至於即刻跳船過去劉鳴煒嗰一邊卦? 仆過去劉鳴煒那一邊, 又不會附送「與劉鳴煒拍拖機會」一次, 有必要這樣desperate嗎?當中的表現實在太過戲劇化,如果係大陸電視台或者係CCTVB, 大概會當係做媒作假。不過當係港台節目,真實性就高得有啲嚇人。大家都忍唔住問:港女係咪真係咁不堪?


當然唔係。至少我識既港女唔係。

 

係香港做女人,就算想做公主,都知道係要做Elsa,要靠自己而唔好寄望男人打救。男人係伴,但唔係米飯班主。 香港女人都有自己既事業同家庭,而且自己知自己事(即係個"package"),發夢或者會諗下自己嫁著個二世祖唔駛做;不過朝早起身一樣繼續搏殺,諗諗點同自己個普通男朋友, 食飯,睇戲,定儲錢供樓。

 

港女最重要還是懂自愛。學江美儀講,煲湯係因為自己想飲,可以順手煲多碗俾個男人,但係就唔會為咗男人而煲。 所以如果識得湊,港女其實好好湊。 港男只要記得好好提升自己的質素,揾到一個似江美儀一樣正(至少內在)的港女其實唔難。 永遠記住什麼人對什麼貨,如果來來去去都揾著呢種對劉鳴煒流曬口水既港女,個男人應該要撫心自問,自己出咗咩問題。

Screenshot_2016-01-03-19-50-27

咁樣樣、、、

至於《我係乜乜乜》、、、 呢個節目不安好心啊。 上次陰到阿叻應一應,今次夾埋遊學修,又設個局出黎陰劉鳴煒講年青人講買樓。 這個節目真係有雄心,每集都做到一句洗版式的sound bite。而家每星期,都會等著睇這個節目搞什麼鬼出來。好嘢!加油呀!

作者Facebook專頁:https://www.facebook.com/edkinphoto

 

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s