我那位立場非常熱血的同事看完有關肖友懷的新聞之後憤憤不平，破口大罵「有冇搞錯！」
「咁大牛龜竟然只有十二歲？你信？宜家竟然仲俾埋行街紙佢？」
然後他又找來高登的片段給我看「喂你睇吓，個肥仔真係週街X人老母，週街恰細路，你唔係以為佢好純良吓話？」
「呢啲人，真係要追擊，要起佢底，趕佢返大陸喎！你話係咪先？」
我淡然道：「千祈唔好。」
「大家睇緊工聯會版本既故事，個小朋友既身世係幾咁坎坷，幾咁賺人熱淚，幾咁令人同情。而家香港幾多攞蠔油既阿叔阿嬸，全部都係習慣慷他人之慨嘅大中華膠。何況重有一大班吓吓都要為新移民爭取福利既純正左膠。你地而家對付個肥仔，即係欺負老弱，邊到有勝算？」
我的熱血同事聽罷拍枱而起：「咁唔通由得件事就咁算數？」
我作了一下噴煙後沉思狀說：「由得佢啦。就算俾你搞走一個肥仔，只要一日有民建聯同工聯會，仲會有更多非法入境兒童陸續有來。」
「而且，我等咗肖友懷出嚟好耐。」我咪起眼睛，看著心有不甘的同事再說。
「用不正常手段獲取居港權既情況已經唔係今日先發生。半山幾多由大陸黎既有錢佬，你唔通以為佢地排嗰一百五十個單程證來港？不過嗰一班人有錢有面，出入上等人場合，唔會係你地班賤民之前出現，你地呢一啲蟻民先至唔覺。」
「你地住北區公屋無學位就嘈生曬，你知唔知，而家你去報讀弘立，就算買咗五百萬Bond，肯俾每個月十幾萬學費，都唔一定有書讀。有學位，都俾啲大陸佬報曬。不過呢啲事情係有錢佬之間發生，要做大陸生意，焗住就忍氣吞聲。香港慢慢沉緊，住公屋，攞份頭條日報買麥記既盲毛會知道咩？」
「對住一班港豬，你嗌破喉嚨都冇用，最少要佢地自己切身利益受到影響先有少少知覺。等左咁耐，而家先至有一個肖友懷，經由友善既工聯會打進基層，實在係太遲。」
我的熱血同時看著我目瞪口呆：「一個重唔夠？」
我回頭看著電腦重投工作，一邊說：「多多都唔夠。最好每一間小學每一班都有幾個超齡肖友懷，讀曬啲學位，得閑重打埋你個細路仔，每一個香港人，就算住係天水圍公屋都難逃一劫，咁香港人都重有醒覺既一日。」
肖友懷，努力呀，我等緊你打救香港人。
#肖友懷#工聯會#非法入境#edkin
作者Facebook專頁：https://www.facebook.com/edkinphoto
希望喜歡博客群文章的你來年繼續支持。記得係facebook page 個 “like" 制度㩒埋"Get Notifications"，咁第時無論咩風雨，我地依然可以並肩而行。 
Edkin - 人間定格 